Әсерлі заттың сипаттамасы
феноксапроп-П-этил - 2- (4-арилоксифенокси) пропиондар қышқылынан өндірілген химиялық топқа жатады.
Әсер ету спектрі
біржылдық астық тұқымдас арамшөптер – қара сұлы (түрлері), қоңырбас (түрлері), егістік түлкіқұйрығы, күрмектары, түкті тары, жабайы тары, мысыққұйрық (түрлері), егістік сіпсебас, эгилопс (түрлері), қызылкүрең құмтары, көпгүлді үйбидайық, жүгері қодрені және т.б.
Әсер ету механизмі
жүйелі әсері бар. Арамшөптердің жапырақтары арқылы сіңіп, бүкіл бойына тарайды және өсу нүктелерінде жинақталады. Әсерлі заттар тез ыдырап, феноксапроп еркін қышқылы түзіледі, ол өсімдіктің ұлпаларындағы май қышқылының биосинтезін тежейді. Соның нәтижесінде өсу нүктелерінде жасуша мембраналарының пайда болу процесі тоқтайды. Антидот дақылды өсімдіктердегі әсерлі заттардың ыдырау процесін жылдамдатады, өзгеріске ұшыраған бейтарап метоболиттер дақылдарға теріс әсерін тигізе алмайды.
Әсер ету жылдамдығы мен симптомдары
өңделген соң бір тәуліктен кейін арамшөптер дақылдармен бәсекеге түсе алмайды. Гербицид әсерінің симптомдары жас жапырақтардың хлорозы түрінде байқалады, өсу нүктелері әлсіреп, кейбір түрлерінде жапырақтың көкшіл қызғылт түске боялғаны байқалады. Астық тұқымдас арамшөптер ауа райының жағдайына байланысты 10 - 15 күннен кейін толық жойылады. Гербицидтің максималды тез әсеріне арамшөптердің бастапқы даму кезеңінде (2 - 3 жапырақ фазасы) және олардың өсуіне қолайлы жағдай туындағанда өңдеп қол жеткізуге болады.
Қорғаныс әсерінің ұзақтығы
өңделген соң препарат тиген арамшөп өледі және сол учаске 3 - 4 аптаға арамшөптен тазарады. Бүрку жұмыстары өткен соң пайда болған арамшөптерге (екінші "толқын") гербицид әсер етпейді, бірақ жас арамшөптер жайқалып өсіп, күш алған дәнді дақылдарға қауіп туғыза алмайды.
Сақтау
Қаптама
канистрлар 5
