| Классификация | Қоздырғыш Hyphales қатарындағы жетілмеген саңырауқұлақтарға жатады. |
|---|---|
| Дақылдар | Күрішті зақымдайды. |
| Таралуы | Қиыр Шығыста және күріш өсіретін басқа да аймақтарда кездеседі. |
Аурудың симптомдары
Ауру вегетацияның барлық кезеңдерінде өсімдіктің жер бетіндегі барлық органдарында байқалады. Жаздың ортасында жапырақтың пластинкалары мен қынабында айналасы қара-қоңыр болып келетін ашық-күрең дақтар пайда болады, кейін ол дақтар үлкейеді және бурыл түске боялады. Сонан соң дақтың астыңғы жағында конидиалық споралардан тұратын сұр өңез пайда болады. Сабақтарда белдеулер пайда болып, олар қараяды. Әсіресе буындары зақымданса қауіпті, онда кір сияқты өңез түзіледі. Буындары жұмсарып, бос болады, сабақтар азғана жел тұрса сынып түседі. Жапырақ қынабы қатты зақымданса, шашақ гүлдер жайылып шықпай қалады, онда өсімдік күйіп қалғандай түрге енеді. Түбі зақымданған шашақ гүлдерде тұқым өспей қалады, олар нәзік болады немесе уақытынан бұрын кеуіп қалады. Кейде шашақ гүдер немесе масақтар қуыс дәнді болатыны байқалады.
Биология
Қоздырғыштар тұқымның бетінде, гүл мен жеміс қабықтарының астында, эндосперма мен ұрықта, сондай-ақ күріштің аңыздары мен сабандарында саңырауқұлақ жіпшелері түрінде сақталады. Вегетация кезінде конидиялар арқала тарайды. Аурудан өнім шіғіні 20…25 % және одан да жоғары болуы мүмкін..
Инфекция көзі – өсімдік қалдықтары, тұқым.
Күресу әдістері
Ауыспалы егіс талаптарын сақтау, сапалы тұқымдық материалдарды пайдалану, тыңайтқыш шашу, төзімді сорттарды өсіру.